1. هذا الموقع يستخدم الكوكيز. مواصلة تصفح الموقع تعني أنك توافق على هذا الاستخدام. اقرأ أكثر.

مولاة الخير

الموضوع في 'الشعر الزاجل' بواسطة عبد العزيز سرحاني, بتاريخ ‏13/12/16.

  1. مولاةْ الخير

    أنت حبيبتي... وخا "غْليضة"...


    فين غَدَا بْداك الخير

    ما خَفتيه يطيح

    ما خَفْتيه يطير

    ولا يَدِيهْ الغير

    أنا كنغير

    عليك مني

    وما عندي

    ما ندير


    فين غدا بداك الخير

    ما خفتيه يتيه

    ما خفتيه يديع

    يغمز هنا

    ويضحك لهيه

    كلُّ كيجْدَبْ

    كلُّ كيلعب

    أحيدوس

    بْلا بندير


    فين غدا بداك الخير

    مْنَوْضَة حرب

    هالكة درب

    جهة طالعة

    وجهة هابطة

    عين كتشكي

    وعين كترغب

    بحال قلبي

    ل خلاه كيسير


    فين غدا بداك الخير

    عل الصباح

    مفتحة ب النباح

    ومتلية ب النواح

    ما رعيتي صايم

    ما عبرتي هايم

    موجة نافرة

    وموجة فايرة

    و الرغوة صهدة

    على جبهتي كتطير


    فين غدا بداك الخير

    حسبتك هدية

    حسبتك عمارية

    طرف كيقفز

    وطرف كيكمز

    الحاضر بلا خاطر

    يبايع

    و الغايب حتى خيالُ

    طايع

    زلزال عارف يتسارا

    تسونامي ولف الدْصَارة

    وخلا عقلي يحير


    فين غدا بداك الخير

    واش مخرجة الدلاح

    يتبرد ؟

    كيف بغيتي ولد دارهوم

    ما يتيه و يتشرد ؟

    كيف بغيتي الواقف

    ما يطيح و يقرَّدْ ؟

    كيف بغيتي العكاز

    ف يد العما

    ما يتعوج ويتكرض ؟

    جبل كيتهز

    وجبل كيرسَى

    وانا روحي ف حلقي

    ما بغات تسلَّم

    ما بغات تنسَى

    ما عارف نكول

    ما عارف نْزول

    ما عارف نسير


    ألالة مولات الخير

    تْهَلَّاي ف داك الخير

    نهار يخطاك

    يهزك النسيان

    ويحطك الغير

    نهار يخطاك

    يتبرى مَنَّكْ خيالك

    و يغطي التكماش حالك

    ويعضك الزمان

    حتى يعواجوُ عضامك

    ويهزك الريح هزات

    وتدفنك كلمة حزينة

    كتهد الجبال هَدَّاتْ :

    "مسكينة ...

    زمان ...

    كانت زينة ".

    سر.اك.15
     
  2. عائشة رشدي أويس

    عائشة رشدي أويس شاعرة الغربة والحنين

    أحسنت القول يا أستاذ عبد العزيز
    مودتي
     
  3. شكرا لمرورك البهي للا عائشة
    مودتي الدائمة
     
تم حفظ المسودة تم حذف المسودة

مشاركة هذه الصفحة