1. هذا الموقع يستخدم الكوكيز. مواصلة تصفح الموقع تعني أنك توافق على هذا الاستخدام. اقرأ أكثر.

مَرْوَدْ لَ ارْيَاحْ ،،

الموضوع في 'الشعر الزاجل' بواسطة حكيم البورشدي, بتاريخ ‏3/10/16.

  1. مَرْوَدْ لَ ارْيَاحْ ،،

    حْلَمْتْ حَلْمَة
    شَفْتْ فِيهَا القْبِيلَة
    شَجْرَة امْعَانْدَة الخْرِيفْ
    بِينْ الرِّيحْ اوْرْاقْهَا
    غَادَة وَ اطِّيحْ
    شَفْتْ شَلَّا گْلُوبْ
    مْخَبْلَة بِينْ الرْجَى
    وْ قَلَّةْ الحِيلَة
    شَفْتْ الكْحُلْ بْلَا مَرْوَدْ
    اتْفَرَّقْ فْذِيكْ اللِّيلَة
    شَمِّيتْ الوْجَعْ فِالحَنَّة
    أُو شَفْتْ الكْفُوفْ
    مَلِّي تْوَجْعَتْ اعْلِيلَة
    اتْجَمْعَتْ ارْيَاحْ
    وَ الخَيْمَة بَاتَتْ اظْلِيمَة
    تْرَشْگَتْ اوْثَادْهَا
    فِالضْلُوعْ اللِّي نَبْثَتْ احْنِينَة
    شَفْتْ خَيْتِي وْ جَدَّة
    شَفْتْ ضَرْ لَمِّيمَة
    ثَانِي ارْجَعْ اليُومْ هْنَا
    بَدَّلْ الوْجُوهْ
    أُو مَا تْبَدَّلْ القَرْحْ اهْنَا
    گَالُو الحَنَّة جَنَّة
    وَ الحَنَّة امْحَنَّة
    وَ الحَنَّة سُنَّة
    أُو مَا گَالُو ،،
    العَرْقْ إِلَى ارْشَى مَحْنَة
    وَ الوَادْ ،،
    إِلَى مَا غَسَّلْنَا مَاهْ
    عَمْرُو مَا يَتْهَنَّا ،،

    مَرْوَدْ لَ ارْيَاحْ ،،
    الزجال حكيم البورشدي
     
    أعجب بهذه المشاركة محمد اليعقابي
تم حفظ المسودة تم حذف المسودة

مشاركة هذه الصفحة