1. هذا الموقع يستخدم الكوكيز. مواصلة تصفح الموقع تعني أنك توافق على هذا الاستخدام. اقرأ أكثر.

رَفَّة الشْفَرْ ،،

الموضوع في 'الشعر الزاجل' بواسطة حكيم البورشدي, بتاريخ ‏5/9/16.

  1. فْرَفَّةْ الشْفَرْ
    الڭَلْبْ رَفْ عَالوَلْفْ
    يْعَانِي كِيفْ مْوَالَفْ
    جِيتْ نْڭُولْ مَڭْوَاهْ
    اسْبَقْنِي فِغْوَاهْ
    وْ ڭَالْ عْلِيَّا مَڭْوَانِي

    فْرَفَّةْ الشْفَرْ
    ڭَلْتْ خِيرْ أُو سْلَامْ
    بْغِيتْ الرَفَّة تَدْوِي
    ادِّيرْ لْسَانْ وَ تْبُوحْ بِالكْلَامْ
    نْتَبَّعْ الصُّوتْ
    نْخَلِّيهْ يَهْضَرْ ،،
    يْڭُولْ وَاشْ ضَيْفْ غْرِيبْ ؟
    وَلَّا رِيشْ طَيْرْ مَذْبُوحْ
    فِي ڭُرْنَة الغْرَامْ ؟
    رِيشَة مَنُّو قَاسَتْ العَيْنْ
    خَلَّاتْهَا عْلِينَا اتْرَفْ
    مْعَ ارْيَاحْ الاحْزَانْ اتْلَفْ
    وَلَّا رَفْرْفْتَْ ثَانِي
    لْڭِيتْ خَاطْرِي دَاوِي
    مَنْ كْلَامُو :
    مَا يْحَرَّكْ الشْفَرْ
    غِيرْ اكْحُلْ ڭْنَاوِي
    حَايْلْ فِالمَرْوَدْ مَنْ زْمَانْ
    مَلِّي حْلَاتْ ذِيكْ الغَمْضَة
    رَفْرَفْ الشْفَرْ الثَّانِي
    رْجَعْتْ نْدَوَّرْ عَالمَعْنَى
    فْكُنَّاشْ يْفَسَّرْ الرَفَّة احْلَامْ ،،

    مقطع من زجلية : رَفَّة الشْفَرْ
    بقلم الزجال حكيم البورشدي
     
  2. نص جميل
    ذكرني بالمثل الشعبي ,,,, ضربني وبكى وسبقني وشكى ,,,,,,
    تحياتي وتقديري
     
    أعجب بهذه المشاركة حكيم البورشدي
تم حفظ المسودة تم حذف المسودة

مشاركة هذه الصفحة